Nilai Luhur Adat Batak

Spread the love

Bidang do diranap dao ditatap di Adat Batak i. Uli idaon angka tujuanna, naeng maraturan na denggan sude ulaon: masiurupan, masiajaran, masipodaan, masitatapan, masihilalaan. Naeng maraturan na denggan sude panghataion, pangalaho dohot parange: masiantusan, masihormatan, masipasangapan. Naeng maraturan na denggan sude parsaoran: pardongan saripeon, parnatua-tuaon dohot paraniakhonon, parhaha-maranggion, parsahutaon, parsisolhoton, denggan mar-dongan tubu, marhula-hula, marboru. Sian najolo, diakui roha ni halak Batak do, naso marguru dijolma sude namasa diportibi on. Ala ni i dihilala roha nasida do na tergantung do ngolu nasida sian hagogoon dohot huaso ni angka na so tarida. Ala ni i mabiar do nasida mangulahon na so uhum, na so adat, mabiar do nasida mangulahon ginjang ni roha dohot lomo-lomo, sai haserepon do dipodahon dohot diparangehon. Hape nuaeng (dung tatanda TUHAN), lam godang do taida angka ginjang ni roha dohot hajahaton, lam so mabiar be mangulahon na so uhum na so adat, lam so mabiar be mangulahon sogo ni roha ni DEBATA. Lam godang do marguru tu pingkiran ni jolma sambing halak nuaeng on, ndang manjalo sinondang na sian DEBATA. Ala ni i, sai paimbaruonta do adatta, asa dohot hita patolhashon sinondang na sian DEBATA tu hita mamolus zaman na mubamuba. Ringkot angka panorangion taringot tu adat na denggan dibagasan hata dohot gombaran na niantusan ni halak di zaman na tabolus. Dikutip bagian dari kata sambutan mantan Ephorus HKBP Ds Siahaan almarhum dalam salah satu Buku Adat Batak “ Ruhut-ruhut Ni Adat Batak”.

2 thoughts on “Nilai Luhur Adat Batak

  1. Hani

    Bpk elisa

    Saya mohon dapat diterjemahkan ke dalam bahasa indonesia agar saya dapat mengerti arti nya. Terusa terang saya menikah dengan pria asal batak tepatnya dari daerah Sibolga (Orang tuanya).Suami saya lahir di Surabaya, jadi mau tidak mau saya harus tahu kebudayaan dari daerah suami.
    Terimakasih

    Salam
    Hani

    Reply

Leave a Reply

Your email address will not be published. Required fields are marked *